結果，真係智慧齒出事喇！智慧齒的惡菌令到前面的牙肉都發炎，牙醫幫我做了些智慧齒的發炎處理後，傷口好了一些。但係....他建議我拔掉會較好，免得再發炎。晴天霹靂～我實在不想脫牙，一想到那份痛楚唔想脫！
牙醫開了一些消炎藥及漱口水，待牙肉發炎平復返先進行拔智慧齒的手術。
『拖一拖，等一等 這一刻的感動 變做"平和" 連提及亦會心痛』
終於有一天早上致電牙醫診所，決心再請牙醫睇睇智慧齒。
牙醫：「你想幾時拔？」
我：「可以幾時安排到拔？」
牙醫：「呢家又得，過2日都得。」
我：「咁...呢家拔埋佢喇!」
於是牙醫就幫我打麻醉針，哇！勁痛呀～拔牙最痛係打針的時候。
之後就係等藥力散開，等了１小時吧～（當中牙醫亦要看顧其他病人）
就開始拔牙了，由於我智慧齒很接近其中一條神經線，所以拔牙的時候即時打了麻醉針都係會小小痛！只要用手勢告訴醫生會痛，他就會轉別的位置處理和打多小小麻醉藥。
首兩隻搞掂，隔多一個星期後。我亦將剩餘的兩隻都通通拔掉！
現在四隻都拔晒喇，可算是破財擋了兩次災嗎？
其實智慧齒每年都會影響我一次，會自動發炎。只是今年是最嚴重的，此問題解決了只是破了接近萬元的財。好吧！希望拔完牙後看落去面瘦一點當是整容吧～
順帶一提：我的牙醫是由我小學的時候便開始看，我洗牙也是請他幫我的。雖然收費較出面的牙醫貴，但手藝是一級的。
